بسم الله الرحمن الرحيم
بدايةً ، هذه المدونة مدونة مشتركة بين الدفعتين
دفعة ٣٣، دفعة ٣٤
حاولنا نجمع أكبر قدر من التفريغات والتسجيلات وكل حاجة تهمكم وتفيدكم في سنة ثالثة
باختصار،
إذا كان معدلك نزل في سنة تانية فلا تخاف
"كلنا جبنا العيد"
وإذا كان معدلك عالي "فحافظ عليه"
واللي يقلك ثالث هي (عنق الزجاجة)
فامسك الزجاجة وأكسرها على راسه
كل سنين الطب تعتبر عنق الزجاجة .
سنة تالته سنة سهلة جداً، لا يغركم كلام الناس عنها لمن يقولوكم إنها "عنق الزجاجة" الواحد أفضل شي يجرب بنفسو ويشوف لأنها من جد سنة مافي أسهل منها
صح إنها سنة تقيلة ومليانة أكتر من سنة تانيه بس حتجلس سنة سهله وحلوه وحتنبسطو وانتو تدرسوها
المواد جدا حلوه ومواضيعها ممتعة فحتنبسطو ان شاء الله.
ثالث تعتمد بشكل كبير على الحفظ
لازم تقوي مهارتك فالحفظ بانك تستخدم "أساليبك الخاصة" في انك تعمل ملخصات ، جداول ، قصص ، روايات، تخيلات، رسومات، خرايط ذهنية اعمل اللي يعجبك وتحس إنه حيفيدك بحيث إنك تراجعه بشكل أسبوعي ليسهل عليك التذكر في النهائي.
لازم تتعلم توفر طاقتك
لاتبدأ بكل جد وحماس وتجي آخر السنه تفرمل!
الشي اللي يحتاج وقت وجهد اعطيه وقتك وجهدك
واللي مايحتاج لاتهمشه! لكن لاتعبره كما وتشيل همه بزيادة .
كل المواد مهمة وكلها تلعب في المعدل
لكن طبعاً الساعات الأكبر "ركز عليها أكتر"
*بالنسبة للمواد:
الترم الأول:
- Anatomy (Head and neck, Neuroanatomy)
- Neurophysiology
وهذي المواد تنتهي في الترم الأول .
والمواد المستمرة إلى نهاية الترم الثاني
- Microbiology (Bacteria , Viruses , Fungi)
- Hematology
- Pathology
- Pharmacology
- Parasitology
البارا حتبدؤوه نهاية الترم وتأخذوا 6 أو 7 محاضرات كمقدمة وما لها اختبار نهائي في الترم الأول
طبعاً مع الثقافة و القرآن.
*الاختبارات العملية :
عندكم اختبارين معمل واحد للاناتومي و الفيسيولوجي مع بعض
وواحد يشمل البقية كلها "طبعاً البارا حتدخل الترم الثاني "
الاختبار اسمه OSPE يكون عبارة عن Spots تنتقلوا ما بينها ولها مدة معينة وتحلوا الأسئلة اللي فيها.
اللي
صار فينا أنه الترم الأول كان 10 سبوت لكل مادة و على الـ Spot دقيقتين وفيه
سؤالين فالحمد لله عرفنا نحل و الأغلب طلع مبسوط ، الترم الثاني خلوه
دقيقة ونص و كل مادة لها 5 سبوت وعليه 3 اسئلة فكان أصعب ولعلّكم سمعتم
بحلطمة الـ 90 ثانية . حاولوا تطالبوا بزيادة الوقت و زيادة السبوت عشان
تضمنوا أنكم تحلوا و أنتم مرتاحين.
طبعاً درجة الاختبار تنحسب كل مادة على حدى و بعدين تنجمع ويتاخذ المعدل و ينحط في كل المواد.
عليه 20 درجة في الترم الأول، و 15 درجة الترم الثاني + 5 درجات كومبرهينسف.
كيف يتذاكر؟
بالنسبة للبنات :
من نفس منهج المعامل "ذا المفروض"
لكن
الحقيقة مافي وقت للأسف فذاكرنا المايكرو من شيتات دكتورة رانية و اعتمدنا
البقية على المراجعات حقت الأولاد بس تأكدوا قبل أن الأسئلة موحدة احنا
الترم الأول ما طلع من مراجعتهم شيء، بس الترم الثاني طلع وجابوا من النظري
كمان!. ما علينا.. عموماً انتم طالبوا إذا جاكم سؤال ما درستوه أو كان من
النظري وغالباً ينحذف و تنحط الدرجة للكل.
بالنسبة للأولاد :
عموما
بيكون من نفس سلايدات المواد بالإضافة إلى المراجعات اللي يسووها آخر
الترم ، و كما ذكر سابقا أنه الترم الأول ما خرج من المراجعات بعكس الترم
الثاني (خصوصا أنه بعض المواد ما قدرنا نأخذ مراجعة لها في الترم الثاني)
** الاسئلة جداً سهلة وماتحتاج تفكير ، لكن اللي كان بيضيع درجاتنا هو التوتر والتشتت بين السبوت والتاني!
لكن الوقت كافي جداً وحتوقف على سبوتات تلقى فيها وقت زايد تقدر تتآمل في خلق الله او تقعد تفكر فالسبوت الجي او تقدر تستهدي بالله وتحاول تحل السبوت الضايع عليك
ف الله يرضى عليكم لاتتوتروا وتضيعوا درجاتكم ،، انتو زاكروا واعملوا اللي عليكم والباقي على الله
** الاسئلة جداً سهلة وماتحتاج تفكير ، لكن اللي كان بيضيع درجاتنا هو التوتر والتشتت بين السبوت والتاني!
لكن الوقت كافي جداً وحتوقف على سبوتات تلقى فيها وقت زايد تقدر تتآمل في خلق الله او تقعد تفكر فالسبوت الجي او تقدر تستهدي بالله وتحاول تحل السبوت الضايع عليك
ف الله يرضى عليكم لاتتوتروا وتضيعوا درجاتكم ،، انتو زاكروا واعملوا اللي عليكم والباقي على الله
* الترم الثاني:
حتستمر معاكم المواد و البارا حتدرسوه بعمق و حينضاف لكم بدل الاناتومي والفيسيولوجي:
Genatic
Biostatistics = الإحصاء الطبي والبحث العلمي
بالإضافة إلى آخر مستوى قرآن و ثقافة.
الترم
الثاني حيمشي by systems فحيكون مثلا اسبوعين عن الGIT حتصيروا تدرسوا
بكتيريا تسوي diarrhea مثلا وبعدها يجيكم البارا يتكلم عن دودات تسوي
diarrhea كمان ويجي الفايروسز كمان كذا والفطريات و أمراض ثانية طبعاً تخص
الGIT، وهكذا كل system على ذا النظام.
النشاط الأساسي هذا الترم هو Case Scenario أو الـ Clinical Case Seminar
يعني يقسموكم ويعطوا كل مجموعة اسم مرض و هيا تطلع له scenario,signs and symptoms, investigation, treatment... Etc
يعني تمسك الحالة و تفصفصها، ونصيحة لا تحوسوا مع نفسكم و حاولوا تسألوا دكاترة أو اي احد تعرفوه عشان يطلع الشغل مرتب.
وحيختارولكم من الكيسات 12 كيس تختبروه كومبرهينسف
20 سؤال عليه 5 درجات..
هنا روابط ممكن تساعدكم وانتم ترتبوا المعلومات :
مستندات مهمة من د.محمد المالكي..
http://www.mediafire.com/download/6e8gfsf4th6223w/history_taking.pdf
بالنسبة للمذاكرة بشكل عام
كانت من التفريغات والسلايدات
أهم شي ضروري انكم تزاكرو "اول باول"
وتشدو حيلكم من البداية عشان تسهل عليكم السنة
ماتحتاجوا مراجع كتير في تالت لكن اللي يحب يتوسع بالفهم فكتبنا لكم بعض المراجع اللي فادتنا ،
لكن عن رأي شخصي السلايدات والتفريغات كانت تكفي وتوفي .
مهم جداً جداً تزاكرو الاسئلة وتحلوها مع بعضكم
كانت هيا اعتمادنا الكلي بعد الله سبحانه وتعالى وبعد المحاضرات
تتكرر كتير شيكو على اسئلة دفعتنا ودفعة ٣٣ 👍
فالنهاية أحب اقلكم زاكروا واعملو الا عليكم واتوكلوا على الله ، لاتشيلو هم ولا تتوتروا حتمشي وتعدي زي ماكثير مشيوا وعدوا منها الحمدلله
تالت تحتاج شوية جهد "ودعا والديييين😝"
لاتنسونا من دعواتكم الطيبة
بالتوفيق.
